Autoritetet amerikane kanë nisur një hetim të thelluar për rrëzimin e avionit në Trilla, me Bordin Kombëtar për Sigurinë e Transportit (NTSB) që dërgoi një ekip në vendngjarje ditën e diel. Administrata Federale e Aviacionit (FAA) është gjithashtu pjesë e hetimeve dhe po asiston në procesin hetimor.
Sipas NTSB, hetimi është përqendruar në tre shtylla kryesore:
Piloti,
Avioni,
dhe mjedisi operativ në të cilin ndodhej fluturimi.
Hetuesit pritet të analizojnë të dhënat e gjurmimit të fluturimit, regjistrimet e komunikimeve me kontrollin ajror, dokumentacionin e mirëmbajtjes së avionit, si edhe raportet meteorologjike në kohën e aksidentit.
Po ashtu, po shqyrtohet licenca, certifikimet dhe përvoja e pilotit, së bashku me një kontroll të detajuar të sfondit të tij për 72 orët para aksidentit, për të zbuluar nëse ndonjë faktor personal apo profesional ka ndikuar në aftësinë e tij për të drejtuar fluturimin në mënyrë të sigurtë.
🔍 NTSB ka bërë të ditur se raporti paraprak mbi shkakun e mundshëm të aksidentit pritet të publikohet brenda 12 deri në 24 muajve të ardhshëm.
Be First to Comment